“The Elfin Knight”: Child Ballad 2

ChildBallads

The Elfin Knight

There stands three trumpeters on yon hill
Blaw, blaw, blaw winds, blaw
Blaw their trumpets sae loud and shrill
And the wind blaws aye my plaid awa’

Gin I’d his trumpet in my kist
Blaw, blaw, blaw winds, blaw
And were in the lad’s arms that I like best
And the wind blaws aye my plaid awa’

Gin ye would be wed wi’ me
Blaw, blaw, blaw winds, blaw
There’s ae thing ye maun dae for me
And the wind blaws aye my plaid awa’

I maun hae a fine linen sark
Blaw, blaw, blaw winds, blaw
Without a stitch o’ needlewark
And the wind blaws aye my plaid awa’

Ye maun wash it in yon draw-well
Blaw, blaw, blaw winds, blaw
Where water never sprang nor fell
And the wind blaws aye my plaid awa’

Ye maun drt’t on yon hawthorn
Blaw, blaw, blaw winds, blaw
That hasna seen blossom since man was born
And the wind blaws aye my plaid awa’

Gin I mak’a sark for thee
Blaw, blaw, blaw winds, blaw
There’s ae thing ye maun tae me dae
And the wind blaws aye my plaid awa’

My faither has an acre o’ land
Blaw, blaw, blaw winds, blaw
Ye maun ploo it wi’ your ae hand
And the wind blaws aye my plaid awa’

Ye maun sow it wantin’ corn
Blaw, blaw, blaw winds, blaw
And roll it wi’ a sheep’s shank-bone
And the wind blaws aye my plaid awa’

Ye maun shear it wi’ a scythe o’ leather
Blaw, blaw, blaw winds, blaw
And bind it wi’ a peacock’s feather
And the wind blaws aye my plaid awa’

Ye maun stook it in the sea
Blaw, blaw, blaw winds, blaw
And bring the whaetsheaf dry tae me
And the wind blaws aye my plaid awa’

And gin you wark noo all this wark
Blaw, blaw, blaw winds, blaw
Come to me and you’ll get your sark
And the wind blaws aye my plaid awa’

“The Elfin Knight”: Child Ballad 2

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s